qui fuerint inde a Vespasiano Scripsit Bruno Stech. Leipzig Dieterich'sche Verlagsbuchhandlung Theodor Weicher Inselstrasse 10 1912. Senatus Romanus quomodo compositus fuerit his illis temporibus a nonnullis exquisitum est. P. Willems quidem in libro qui inscribitur Le Sénat de la République romaine (ed. II. Paris 1885. 2 voll.) seriem composuit eorum, qui et a. 575/179 et a. 699/55 in senatu obvii sunt (vol. I p. 308-366; p. 427-543). Quem secuti sunt Otto Ribbeck, senatores Romani qui fuerint idibus Martiis anni u. c. 710. Diss. Berol. 1899 atque Friedrich Fischer, senatus Romanus qui fuerit Augusti temporibus. Diss. Berol. 1908. His accedit libellus Willemsii Le Sénat romain en l'an 65 après Jésus-Christ, publié d'après les notes de P. Willems par J. Willems. Louvain 1902. Nos quidem proposuimus examinare, qui senatores fuerint inde ex eo tempore, quo imperium iniit Vespasianus, usque ad Traiani exitum. Hac in re senatores ita enumerabuntur, ut ii, quos in senatu fuisse certum sit, excipiantur ab incertis. Atque non solum certi, verum etiam incerti dispositi sunt secundum locum, quem quisque in senatu obtinuit. Praecedunt igitur consulares, quos excipiunt praetorii, aedilicii, tribunicii, quaestorii, senatores incerti gradus, quibus commisi eos, qui uno ex illis imperante compluribus muneribus functi sunt, sed qui quando ad illos honores provecti sint non constat. In singulis ordinibus senatores enumerabuntur eo ordine, quo magistratum gesserunt. Quorum ii, qui quo anno munere sint functi parum constat, ei anno praepositi sunt, ante quem magistratum gesserunt. Atque eos, quorum annus plane est incertus, ultimos ordine litterarum disposui. Pauca adicienda sunt, ut cognoscatur, ad quem annum in senatoribus eligendis descenderim aut ascenderim. Hac in serie inveniuntur ii senatores, qui quindecim fere annis antequam imperator quidam imperium iniit aut decem fere annis post eius mortem consulatu functi sunt. Si quis, ut exemplum afferam, a. p. Chr. n. 45 consul fuit, facile fieri potest, ut a. 69, quo Vespasianus imperare coepit, an insequentibus annis in vivis fuerit. His porro adiciendi sunt ei quoque, qui quidem num anno 45 aut insequentibus consules fuerint. nos praeterit, sed quos intra decennium, quod praecedit a. 45, quaestura aut tribunatu aut honore curuli functos esse constat. Atque si qui senator intra annos 69-79 consul fuit, Vespasiano imperante eum priores honores capessivisse veri est simillimum. Hoc in numero ei quoque sunt, quorum consulatus annus quamquam memoriae proditus non est cognosci potest ex provincia Asia aut Africa administrata. Et illud intervallum, quod est 249558 |