Puka kana keiki he Alaiaha lele Hanau ka Moha he makua Puka kana keiki he Kukuaeo lele Hanau ka Kaiwa he makua Puka kana keiki he Koeae lele Hanau ka Kala he makua Puka kana keiki he Kaula lele Hanau ka unaua ka makua O ka lele o nei auna O kakakai o lalani O hoonohonoho a paa ko pae Poa ka Aina o Kanehunamoku Hanau Manu ka Aina Hanau Manu ke kai Hanau kane ia Waiololi, o ka Wahine ia Waiolola Hanau ka Lupe noho i kai Kiai ia e ka Lupealake noho i uka He pou hee i ka wawa He huku he io ka ai a ka manu O ke kua ke komo, aoe komo kanaka O kane ia Waiololi, o ka wahine ia Waiolola Hanau ka Nuio noho i kai Kiai ia e ka Io noho i uka He pou hee i ka wawa He uhu he io ka ai a ka manu, O ke kua ke komo, aoe komo kanaka O kane ia Waiololi, o ka wahine ia Waiolola Hanau ka ka Upu noho i kai Kiai ia e ka Upu noho i uka, hee i ka wawa He pou He huku he io ka ai a ka manu O ke kua ke komo, aoe komo kanaka O kane ia Waiololi, o ka wahine ia Waiolola Hanau ka koloa amoku noho i kai Kiai ia e ka koloalele noho i uka He huku he io ka ai a ka manu O ke kua ke komo, aoe komo, kanaka O kane ia Waiololi, o ka wahine ia Waiolola Hanau ka Hehe noho i kai Kiai ia e ka Nene noho i uka He pou hee i ka wawa He hua he io ka ai a ka manu O ke kua ke komo, aoe komo kanaka O kane ia Waiololi, o ka wahine ia Waiolola Hanau ka Aukau noho i kai Kiai ia e ka Ekupuu noho i uka He pou hee i ka wawa He huku he io ka ai a ka manu O ke kua ke komo aoe komo kanaka O kane ia Waiololi, o ka wahine ia Waiolola Hanau ka Noeo noho i kai Kiai ia e ka Kapueo noho i uka He huku he io ka ai a ka manu O ke kua ke komo aoe komo kanaka O ka leina keia a ka manu o Halulu O ka manu lele auna a paa ke la Paa ka honua i na keiki manu a ka Pokaha O ka hahu ape manewanewa O po wale keia O po wale ke au ia Poeleele O poni wale ke au ia Pohaha ka po. Hanau kuma a ka Powehi wehi O noho i ka aina o Pohomiluamea O naha wilu ke au o Uliuli O hoohewahewa o Kumalamala O pohouli n Pohoeleele O Na wai ehiku e lana wale Hanau kama a hilu a holo O ka hilu ia Pewa lala kau O kau ana o pouliuli O kuemi emi a powehiwehi O Pouliuli ke kane O Powehiwehi ka wahine Hanau kaia, Hanau ka naia i ke kai la holo Hanau ka Nenue noho i kai Kiai ia e ka Lauhue noho i uka He pou hee i ka wawa He nuku he kai ka ai a ka ia O ke kua ke komo aoe komo kanaka O kane ia Waiololi, o ka Wahine ia Woiolola Hanau kahaha noho i kai Kiai ia e ka Pábala noho iuka He pou hee i ka wawa He nuka he kai ka ai a ka ia O ke kua ke komo, aoe komo kanaka O kane ia Waiololi, o ka Wahine ia Waiolola Hanau ke Pahau nohe i kai Kiai ia e Kalaukau noho i uka He pou hee i ka wawa He nuku he kai ka ai a ka ia O ke kua ke komo aoe koma kanaka O kane ia Waiololi, o ka Wahine ia Waiolola Hanau ka hee noho i kai Kiai ia e ka Walahee noho i uka He pou hee i ka wawa He nuku he kai ka ai a ka ia O ke kua ke komo aoe komo kanaka O kane ia Waiololi, o ka Wahine ia Waiolola Hanau ke oopukai noho i kai Kiai ia e ka oopuwai noho i uka He pou hee i ka wawa He nuku he kai ka ai a ka ia O ke kua ke komo aoe komo kanaka O kane ia Waiololi, o ka Wahine ia Waiolola Hanau ke Puhikauila noho i kai Kiai ia e kauwila noho i uka He pou hee i ka wawa He nuku he kai ka ai a ka ia O ke kua ke komo aoe komo kanaka |