Kiai ia e Oheohe noho i uka He nuku ke lai ka ai a kolo O ke kua ke komo aoe komo kanaka O kane ia Waiololi O wahine ia Waiolola Hanau ke Nana-nana noho i kai Kiai ia e Nona-nona noho i uka He nuku ke lai ka ai a kolo O ke kua ke komo aoe komo kanaka O Hulahula wale ka neena a kolo O ka maewa huelekaloloa O kukonakona o kukonakona Hele lu wale i kima O ka lepo hune kai ai oi-a Ai a kau oi a mu-a O kele a hana ha-na O hama maiule kune wanewa Ke newa nei ka hele O hele i ka aina o kole Hanau ka ohana a kole i kopo. O kuhule ke au ia kapokano kano O ke konokano o ka Ihu nuka Eli honua Eeku i ika moku e kupu a puu O ke kama a puaa i hanau O umi he au ka aina Ka aina a kapokanokano i noho ai O ka maawe hulu hiwa o ka puaa, Hanau ka po Hanau ke poowaawaa he Waawaa kona Hanau ka pii awaawa he awaawa kona Hanau ka Makuakua he kuakua kona Laha ai kama o Loiloa O Ululoa ka aina o Mohala E kuu mai ana i ka ipu makemake O Mele ke amo a ema kini A pili ka hanauna a kapokanokano. O kupukapu kahili o kuakamano O kuku kamahimahi o ka pihapiha kapu Uku lii o ka wai O mehe ka akiaki a nei haula O Lihilihi Kuku O peipu a uma He iole ko uka he iole ko kai He iole holo i ka ua ua Hanau laua a ka epohiolo Hanau laua a Kaponee-aku He nenee ka holo a ka iole uku He mahi mahi ka lele a ka iole uku Kailiili hua ohia hua ole oka uka O kau ke amoano i au kualono He ano no kapo hanu mai He ano no kapo pihapiha He weliweli ka nuu a hoomoali He wali weli ka ai a kee koe koena He ilio olohe na ka lohelohe He ilio alaua na ka aalua He mauu kehai e Pulepule O mihi i ke anuanu huluhulu ole O mihi i ka wela wela i kea ahu ole Kanahai a kapo i na kama O ke Kaikaina muli o ka lohelohe no Puka ka peapea lohelohe Puka ka peapea huluhulu Puka ka peapea Lau maua maua O ka hohee nalu mai i hanau. O kama auli auli a Ne O kama i ke au o ka Pokini O kama ike au o ka pohunalu ma mao Hanau kanaka e mehe lau Hanau kanaka ia Waiololi Hanau ka wahine ia Waiololi Hanau ka pee Akua O kanaka i Kukuku O Kanaka i Momoe Momoe laua i ka pe mamao Ahinahina wale kanaka e kakoi nei Haula ula wale ka lae o ke kua Ha eleele ko ke kanaka Hake akea wale ka auwae Hoomalino ke au ia kapo kinikini Hoolailai mehe kapoheenalu mamao I Kapaia Lailai ilaila Hanau Lailai he wahine Hanau Kii he kane Hanau Kane he Akua Hanau o Kanaloa e kaheekaunawela ia. A-0 Hanau na pahu O Moanaliha O Kawaomaaukele ko laua hope mai |